The Killers imaju novi singl

Foto: Printscreen YouTube

Popularna američka rok grupa The Killers objavila je novi singl "Bright Lights", prvi nakon prošlogodišnjeg "Your Side of Town".

Novu pjesmu prati spot koji je režirao Majka Bikam, a u postavu se vratio gitarista Dejv Keuning, koji je ranije napustio bend. Killersi su trenutno na turneji po Americi, na kojoj slave 20 godina albuma "Hot Fuss", pišu Vijesti.me.

Frontmen Brendon Flauers kazao je ranije da su Killersi odustali od albuma na kojem su prvobitno radili i da spremaju nešto novo, a "Bright Lights" upravo najavljuje to izdanje.

Krajem prošle godine bend je objavio album najvećih hitova pod nazivom "Rebel Diamonds", na kojem se našla i nova numera "Spirit".